لحد امتى هنفضل كده
ايدينا فى ايدن بعض
عنينا بتحرس بعض
دم اخويا هو دمى
هم اخويا هو همى
لحد امتى هنفضل نخاف على بعض
وانادى بالحريه....بس ما نطولهاش
ونحلم نحققها بس على الارض ما نشوفهاش
قلوبنا سامعاها ... وروحنا حساها
بس مهما حصل عيونا برده مش شايفاها
هو لحد امتى هنفضل كده
ايدينا فى ايدين بعض
عنينا بتحرس بعض
لحد امتى هنفضل نخاف على بعض
ويصرخ عدونا علشان خاطرنا فى وش بعض
ولما يحصل لحد فينا شئ اليم
نجرى ونضرب وندفع عن اخوانا اى الم او هم
ونتحالف ويا بعض
وتصير رايتنا واحده بس
نموت عليها ... ونجرى بيها
وما نشوف من حد فينا طعنه لينا
او كلمه خاينه او حتى همس
لحد امتى هنفضل كده
ايدينا فى ايدين بعض
عنينا بتحرس بعض
لحد امتى هنفضل نخاف على بعض
ونذل كل اللى يذلنا
ونقتل كل اللى فكر عن طريقنا يضلنا
ونفتح سجونا لكل خاين او جبان
ونهتدى بنور القمر
لحد امتى هنفضل نتحكم
بكلمه حلوه جايه من القران
لحد امتى هنفضل كده
عايزين فى يوم نجرب الفرقه
ونشوف لما حد فينا ينقتل
هيكون ايه طعم الفراق والحرقه
عاوزين نجرب لما نفترق هيكون الحل ايه
اكيد جيوشنا للعالم تسود
وطعم الانتصار يفضل دايما يقود
ونحقق الاحلام
ونكسر الاوهام
ونلغى من حياتنا كل القيود والحدود
ونعدد الرايات
ونجعل من كل قبيله منا سيد
ويكون الكل تحت ايده مسود
ياللا بينا نلغى القيود
ويصير كل واحد فينا ملك نفسه
وما نعبر اى دين
وما يفكر اى حد فينا الا بس فى نفسه
هو لحد امتى هنفضل كده
ايدينا فى ايدين بعض
عنينا بتحرس بعض
لحد امتى هنفضل نخاف على بعض
